Thut ki kam pynroi ba long DC u MCS, ong ka JAC

Shillong, 27 Nailar:
Ki sengbhalang ha South Garo hills mynta ka sngi balang, ki la dawa ba dei ban thung Deputy Commissioner da ki IAS lym kumta kin pynlong da ka jingiakhih ba khlem pud. Ki la ong ba ka jingshimti DC da u MCS ophisar ka la ktah ia ka roi ka par jong ka district.
“Ngi dawa ba ka sorkar kadei ban thung da u IAS kum u Deputy Commissioner ha kane ka District”, la ong u nong ialam ka Joint Action Committee (JAC) u Seng raph Sangma.
Lah ban kdew ba ar bnai mynshwa u deputy commissioner ka district, u Chinmoy Gotmare u la shah pynkynriah kam noh kum u Director ka Higher and Technical Education ha Shillong.
U Gotmare u la lait im ha ka jingshah hiar thma ha ki lehnoh.
Ia mynta ha South Garo Hills District la peit la khmih da u Meghalaya civil Service (MCS) u TG Momin kum u Acting Deputy Commissioner.
Ki sengbhalang ki sngew ba ka jingbym bym thung DC da u IAS ha kane ka district, ka ktah ia ka jingpyntreikam khamtam ha ka roi ka par.
“Bun ki tnat bapher bapher ha kane ka District kim treikam bha kynthup naduh ka irrigation, horticulture, electricity, cooperation”,la ong u Thengrak Sangma u dkhot ka JAC.
Ki sengbhalang ki la dawa ruh ba dei ban pynshitom ia kito ki ophisar ki bym shim khia ia ka kam.
Ki la takrain ia u Myntri u Clement Marak namar ba um lah ban pynbiang bording ia ki paidbah ha katei ka district. “U Myntrri u dei ban iehnoh ia ka kam lada um lah ban pynbiang ban pyntrei na bynta ki paidbah”,la ong u Sangma.
Kine ki sengbhalang ki ladep pynlong ka jingiakhih myn ha ka sngi Nyngkong bad sngi Hatmajai.