Thut ka leit ka wan, namar ka pakhang shnong ka HNLC

Shillong, 22 Iaiong: 
Ka leit ka wan jong ki paidbah ka la thut bha namar ka pakhang shnong ka HNLC hynne ka sngi kaba dei ka sngi wan jong u president rangbah ka BJP u Amit Shah ha kane ka nongbah Shillong.
Wat la ki dukan ha ki shnong kiba don ha kylleng ka nongbah ki plie, hynrei ka Iewduh bad ka Khyndai Lad, ki dukan ki la khang lut namar kane ka pakhang shnong.      
Ka HNLC ka la khot ia ka pakhang shnong ba 12 kynta naduh ka 5 baje mynstep haduh 5 baje janmiet ban pyrshah ia ka jingwan u Shah, ka jingshah hiar thma ki iingmane Khristan, bad kiwei.
Ha kane ka sngi Pakhang shnong bun ki nongtrei ki duna bha kiba leit sha ophis, wat ha ka Secretariat, bad ki kali kiba iaid ki duna bha lait noh tang ki kali kamai ki bos saw,  bad ki kali.