“Thut ka jingtei jaka ot doh ha Mawlai na ki jingiakhih”

Shillong,1 Naiwieng:
Ka Myntri ka tnad ri jingri, ka Deborah C Marak ka la ong ba bun na ki jingtrei ka sorkar ki la shah ktah bad ki la thut lut namar ki jingiakhih ba la pynlong da ki sengbhalang, bad ka jaka ot doh ha Mawlai ka dei kawei na ki jingtei kaba la shah ktah na ki jingiakhih. “Bun na ki nongtrei bylla kiba trei ha katei ka jingtei ia ka jaka ot doh ki la mih lut napoh jylla namar ba jur palat ki jingiakhih bad kane ka la pynthut ia ka jingtei ia katei ka project” ong ka Debora.
Ka Debora ka la iathuh ba 70 na ka shispah ki jingtei ha katei ka project ki la dep, hynrei ki don da khyndiat khynsoit ki kam ba dang sah kum ban shna ia ki kynroh, ki surok bad katto katne ki kam lyngkhot lyngkhai. Ka sorkar ka la mang ha ka jinglut kaba T.22.83 klur na ka bynta ban shna ia katei a jaka ot doh, “Katei ka jaka ot doh kan pynmih kid oh kiba khuid ban bam na ka bynta ki nongshong shnong ka jylla” ong ka Myntri ki kam mrad kaba la iathuh ruh ba sorkar jylla ka la buh por hapoh u Lber 2014 ban pyndep ia katei ka jaka ot doh kaba don ha Mawlai.
Ka Myntri ka la kyntait ruh ba ka jingdon ka jaka theh nuit pyrshah katei ka jaka ot doh kan don jingktah , ka la ong ruh ba katei ka jaka ot doh kan ym don kano kano ka jingktah ia ki briew kiba shong bas ah marjan namarba ka sorkar ka la shimkhia ban pynthikna ban ym don kano kano ka jingktah ia ki paidbah lyngba katei ka jaka ot doh.
Lah ban pynkyn maw ba katei ka jaka ot doh, kaba la ngiam ban ot haduh kumba 160 tylli ki mrad heh ba kynthup ia 240 tylli ki sniang bad 240 tylli ki mrad rit kum ki blang bad kiwei ka dei kaba la mang ban pyndep hapoh u nohprah 2012, hynrei ym shym la lah ban tei pyndep ia ka bad mynta ka sorkar ka la buhthong ba kan pyndep ia katei ka project hapoh u Lber 2014.