Thungdieng ka Mukhaialong ryngkat ka ophis DFO Jowai

Shillong:Ka Mukhaialong Dorbar Shnong ryngkat ka ophis jong ka DFO Wild Life Jowai ka la pyllong ia ka jingthung dieng mynhynnin ka sngi, hapoh u pud u sam ka Mukhaialong Pohblai Community Reserved （MPCR）kum shi bynta ban rakhe ia ka World Environment Day 2019.Hapdeng ka jingpynthut u slap da ki phew ngut ki nongshong bad ki briew jong ka ophis ki la iamih ban iashim bynta bad la lamkhmat da u Waheh Shnong ryngkat ki dkhot jong ka shnong.Ha kaba iadei bad kane ka sngi na ka liang ka shnong hi baroh kawei ka la iaroh ia ka ophis DFO baka la wanrah ia ki tynrai dieng kumba 200 tynrai bad sa kumba 300 tynrai eiei la pynbiang hi da ka shnong kaba ngi lathung mynta kasngi kumba 500 tynrai eiei.Ha kajuh kapor u Waheh Shnong u ai khublei ia ki nongshong shnong ba ki la shim khia lang mynta ka sngi nalor ba ki bunkam hajarjarki lyngkharep.Kane ka sngi ka long sah kynmaw ia ka shnong kaba ngi lalah ban thung katne bad lada kham kylluid ka por ngin sa pyrshang ban thung shuhshuh hapoh une hi u bnai jylliew ong u Waheh shnong.Ka Dorbar shnong ka la maham tyngeh ba ym shah dalei lei ruh ban thang lum hapohu pud u sam ka shnong khnang ba ki dieng kin iohlad ban khie bansan bad khamtam hapoh u pud u sam jong artylli ki khlaw kyntang jong ka shnong.