Thung Wahadadar ka KHADC ha Shella

Shillong, 21Nohprah:
Ka Executive Engineer Committee, Khasi Hills Autonomous District Council hadien ba ka la khmih bniah iaki kot ki sla kumjuh ruh ia ka kaiphot bad jingialap jong u Inquiry Officer halor ka jingkynnoh pyrshah ia u Sotish Youroin, Waha dadar Shella Confederacy ba lah shah weng kam shipor, ka la pynkut noh ia ki jingujor pyrshah ia u da kaba la weng noh ia ka hukum weng kam shipor.
U Secretary KHADC u la pyntip ba ka Executive Committee katkum ka bor ba la pynkup ha ka da ka section 5 jong ka Khasi Hills Autonomous District (Appointment and Succession of Chiefs and Headmen) Act, 1959 da ka hukum jong ka kaba 16 tarik nohprah 2011 ka la thung biang ia u Sotish Youroin kum u Wahadadar Shella Confederacy u ban trei biang ia ka kam katkum ki kyndon jong ka Sanad kaba 17 tarik u nohprah 2009. La pybna ruh ba kane ka hukum kan treikam noh mardor bad neh haduh ba kut ka por treikam jong u lane tad haduh ban da ai hukum da kumwei.