Thung Vice President ia U bah Hek

Shillong, 29 Nailar:
U President ka Meghalaya Pradesh Congress Committee, ula thung mynta ka sngi, ia U bah AL Hek, MLA kum U Vice President jong ka Meghalaya PCC, ha ka jaka jong U bah Ronnie V.Lyngdoh, uba la ioh rung kum u myntri sha ka sorkar Jylla.
U Bah DD Lapang, ula thung ruh ia U bah WK Kyndiah, ba un long kum uwei na ki General Secretery jong ka Meghalaya PCC bad katei ka hukum, kan trei kam naduh mynta ka sngi.
Na ka bynta katei ka jingthung kam Vice President ia U bah AL Hek, une u nongthoh, ula phone ia U bah Hek, ban kylli halor ka jingsngew jong, hynrei, ym shym la ioh iakren satia, namar ba u pynlip ia ka mobile jongu; hynrei na ki khubor ba iajan bad u, la iathuh ba utei u myntri barim jong ka sorkar Jylla, un nym sngew myntoi satia ban shimti ia katei ka kam Vice President jong ka Meghalaya PCC.