Thung U VC ia ka komiti University ha Wahiajer

Shillong, 7 Nailur:
U Vice Chancellor jong ka North Eastern Hill University, Shillong U Prof. S K Srivastava, ula thung ia ka komiti, na ka bynta ban pyniaid shakhmat ia ka jingplie jong ka shnat pule jong ka University, ha ha ka Shnong Wahiajer West Jaintia Hills.
Ia kane ka Committee kaba la thung bad pynbna paidbah mynta ka sngi da U VC la tip kum ka “Task force committee for Community College Wahiajer, Jowai, West Jaintia Hills” ha kaba u Prof. Henri Lamin u long kum u Chairman jong kane ka Committee ha ryngkat lang kiwei pat ki Professor bad ki Engineer jongka Engineering wings/ Dept jong kane ka Skulbah.
Kum ka jingpynkynmaw, kane ka dei kawei na ki mat jingdawa jongka JSU kaba larim bha kaba la sdang naduh u snem 2001 ha ka por ba long President u Charles Phawa bad ia kane ka tnad pule jongka NEHU kaba la dawa naduh ki por mynshwa la tip kum ka NEHU Compus, hynrei namar ka jingpyndam noh ka Sorkar kmie lyngba ka HRD Ministry ia ki Univesity ban plie ia ki Campus naduh mynta u snem kumta la hap ban buh noh da ka Community College, ha ka Shnong Wahiajer West Jaintia Hills.
Ka JSU na ka por sha ka por ka la iai bud dien ia kane ka mat bad ha ka 24tarik Nailar 2016 ki noingialam ka JSU haka jingiadonlang u President bad Vice President ka NEHUSU ryngkat u Prof. H Lamin, ki la ia kynduh ia u VC ka NEHU u Prof. S K Srivastava ha kaba u la kular ban thung ia kane ka Committee na ka bynta ban pyniaid sted ia ki kam ki jam naka bynta kane ka tnad pule kaba la dep mang pisa kumba 600 lak daka NEHU ha ka Shnong Wahiajer. Ka dorbar Shnong Wahiajer, ka la ai sngewbha iaka jaka kaba haduh 6.46 hecter na ka bynta kane ka jingthmu babha.