Thung Sirdar sop sop ha ing u MDC, ujor ka Mawlong sha U EM ka KHADC

Shillong,29 Iaiong:
38 ngut ki rangbah kiba la soi kyrteng ha ka jingthoh kaba ki phah sha u EM ka KHADC ba dei peit ia ka Elaka, ki la kynnoh ba hadien ka jing khlad noh u Sirdar ka Hima Mawlong u bah Khraw boklang Iangrai, ki la don katto katne ki riew shim kabu kiba la khot jingia lang ha ka 24 tarik mynta u bnai hapoh ka hima, bad katei ka jingia lang kaba ki la shu khot sop sop ka dei na ka bynta ban jied Acting Sirdar, hynrei namarba ki la don ki paidbah kiba la ioh jingtip ki la leit ban tur lang sha katei ka jingialang bad ban iatai lang ha katei ka jaka ba la khot jingialang sop sop, ha kaba la don ruh ki rai kiba la shim , kawei ban pyntip sha ka KHADC ia ka jingkhlad u Sirdar bad sa kawei pat ka dei ka ban suhlang ia ka rai ka jingialang kaba la long ha katei ka 24 tarik, hynrei la ong ba la pyntip tang ia ka jingkhlad noh u Sirdar ym pat ia ka rai ka jingialang.
Ki 38 ngut ki rangbah ki la kynnoh ba , ba ba kham sniew shuh shuh ka dei ka jingwan tuklar u MDC ka Shella u bah Teinwell Dkhar ha kaba la kynnoh ba u la khot jingialang sop sop ha ing sah jong u ha Nongduh, Hima Mawlong ha ka 28 tarirk mynta u bnai. Na katei ka jingialang ha ing u bah Tein la jied Acting Sirdar, Secretary bad dkhot Sirdar Dorbar, ong ka kyrwoh na ki 38 ngut ki rangbah ka hima Mawlong.
Kitei ki rangbah ki la pynpaw ruh ka jingsngewlyngngoh namarba kat u MDC uba ki la jied bad shaniah ban ialam ia ki ha ki lynti kiba beit u ialam bakla pynban ia ki , da kaba leh ia ki kam nadien jingkhang. Halor kitei ki jingkynnoh kitei ki 38 ngut ki rangbah ki la buh da ka jingthoh sha u EM incharge Elaka ban kyrpad ia u ban peity ba rukom synshar khadar kan iaid katkum ki riti ki dustur ba la buh u longshuwa manshuwa.