Thung President thymmai ka Congress ha ki District

Shillong,3 Jylliew:
Hadien ba la mih ki saw tylli ki district thymmai ha ka jylla, u Dr.DD Lapang President ka MPCC u la buh ki jingtyrwa ha ka President ka AICC ka Sonia Gandhi ban thung thymmai ia ki District President ha kitei ki district ha kaba na ka liang jong ka ruh ka mynjur ia kitei ki jingtyrwa jong ki da ka jingthmu ban pynkhlain shuh shuh ia ka jingtreikam ka seng ha kane ka jylla.
Kiba la shah jied ban long kum ki president jong ki district bapher bapher ki long U Cherak W Momin MLA ha North Garo Hills, U Winnerson D Sangma, ha South West Garo Hills, U bah Diverland Lyngdoh ha South West Khasi Hills DCC, U M Shitlang Palei ha East Jaintia Hills DCC, U R Ahutosh B Marak Ex MDC, ha East Garo Hills DCC, ka Dr. Eureka F.P. Lyngdoh ha West Khasi Hills bad U Surosh R Marak ha South Garo Hills DCC.
Ka Sonia Gandhi ka la mynjur ruh ia u Bah Boldnes L.Nongum kum U Vice President jong ka MPCC, katba la thung pat ia u Shri Betroy M. Sangma kum u Secretary sha ka MPCC .
Ha kawei pat ka thymmei khubor kaba la iohlum la iathuh ba ka Congress ka dang pynlong ia ka jingtohkit pyrshah ia U Vice President jong ka seng u Bah KK Dkhar, namar ka jingialeh pyrshah pyrshah seng jong u ha kane ka elekshon kaba la dep, bad la iathuh ruh ba ka jingtohkit ia u ka dang don ha kti jong ka Disciplinary Committee.