Thung kam ia ki kynthei, shynrang, ong ka KSU ia ka Lafarge

Shillong, 20 Jymmang:
Ka KSU Nongtrai Unit mynta ka sngi ka la phah dorkhas sha u Director ka Lafarge ban dawa thungkam ia ki samla shynrang bad kynthei katei ka thaiñ.Ia katei kakynhun ka KSU la ialam da u President u Wanbok Reenbon bad u General Secretary ka South West Khasi Hills u Trulywell Lyngdoh. Ka KSU ka dawa na ka Lafarge ban thungkam ia 29 ngut ki shynrang bad 4 ngut ki kynthei bad ba ia kikynthei dei ban ai kam ha ophis ka Lafarge kaba don ha Polo Towers.
Ka la dawa ruh ba ka dei ban buh kawei ka ambulance ha Nongtrai bad katei ka Ambulance ka dei ban treikam baroh 24 kynta. Katei ka seng ka la dawa ba ka Lafarge ka dei ban pyndep mardor ia kitei ki jingdawa lym kumta kan shim da ka lynti ia khih kaba tyngeh ha ryngkat ka bor shnong. Ka KSU kam shym la ioh ban ia kynduh ia u Director ha katei ka jingleit jong ka sha Lafarge hynrei ka la ai ia ka shithi dawa jong ka la pdiang da u Asstn.Manager ka Lafarge.
Lah ban kdew ba ka KSU ha ryngkat ka jingdonlang ki bor shnong ka Nongtrai kiba don kumba 40 ngut eiei ki la thmu ban rung shapoh hynrei la khanglad ia ki ban rung shapoh da ki pulit kiba donlang bad ki majistor tang mar ia poi ha khyrdop ka Lafarge. Hynrei kham hadien la pyllait tang 8 ngut ban rung shapoh katba kiba sah pat ki ap habar.