Thung ka sorkar India, ia U Ravi ba un peit kum U Lat ka Meghalaya

Shillong: Ka khubor ba dang shu ioh ka iathuh ba ka sorkar India, ka la aiti ia U Lat ka Nagaland, U RN Ravi, ba un shimti kum U Lat thymmai jong ka Meghalaya.

Ka khubor jong ka ANI, ka iathuh ba la aiti ia U Ravi, ba un peit ia katei ka kam, namar ba U Tathagata Roy, U Lat ba mynta jong ka Jylla,u don ha ka jingshim shuti jongu.

Ha ki khyndiat sngi ba ladep, U Lat ka Jylla, U Tathagata Roy, u don ha ka jingshah ujor kaba jur, halor ki jingthoh jongu ha ka twitter, kiba la pynkhih bitar ia ki samla ba bun bad kiwei dei ki jing bym mynjur jongu, ia ki jingai jingmut jong ka sorkar Jylla bad kaba khatduh eh, kaba la pynkhie bitar ia kiba bun, ka long ba u ong ba kito ki bym iahap ia ka politiks jong ka jingiapher jingmut, ki dei ban leit sha North Korea.