Shillong:Ka Sorkar Jylla ka la thung mynta ïa u SC Sadhu kum u Deputy Commissioner ka East Khasi Hills District, u ban shimti ïa ka kam na ka Kong R.M Kurbah.
Ka notification ka Tnat Personnel & AR (A) ba pynmih ha ka 6 tarik Rymphang, la pyntip ba ïa ka kong RM Kurbah la pynkynriah bad thung mynta kum ka Secretary ka Tnat Community & Rural Development, Fisheries, Water Resources, AH& Veterinary Deptt bad kumjuh ruh kum ka Director ka C&RD.
La pyntip ba ïa ka kam Deputy Commissioner ka East Khasi Hills la thung mynta da u SC Sadhu uba la shah pynkynriah na ka kam Secretary ka Tnat C&RD bad Forest & Environment bad kiwei kiwei.
Ha kajuh ka por, ka Sorkar kala pynkynriah kam ruh ïa ki 17 ngut ki Ophisar MCS kiba bat ïa ki kam Additional Deputy Commissioner jong ki District bapher bapher ka Jylla.
Phi don ban ong eiei?