Thung dieng ki Congress Ri Bhoi

Shillong, 3 Risaw:
Ka Ri Bhoi District Congress Committee ka la pynlong ia jingthung Dieng ha Umbuda, Nongpoh Ri Bhoi District ha ka 1tarik Risaw, 2016 kum shi bynta ban Rakhe ia ka jingdap 147 snem ka lyngkhuh sngi kha jong u Kpa ka Ri India U Mahatma Gandhi.
Ha kane ka sngi la iadonlang U Dr. D.D. Lapang, u ba long u MLA ka Nongpoh Constituency, u ba dei ruh u President ka Meghalaya PCC bad u Chief Adviser ka Ri Bhoi DCC, U Dr. C. Lyng-doh MLA Umsning Constituency u ba long u President ka Ri Bhoi DCC, Bah Mayral Born Syiem, General Secretary, Ri Bhoi DCC, Mr.A. Wah-lang, Mr.G.G.Marwein, Mr.M.G.Kharshanlor, A.Lapang, Bad baroh ki President jong ka BCC hapoh ka Ri Bhoi DCC.
La pynlong ia ka jingialang kynmaw burom ia ka lyngkhuh sngi kha ba 147 jong U Kpa ka Ri India u Mahatma Gandhi ha Office treikam ka seng ha Umbuda, Nongpoh ha ka ba la ioh jingkren na U Dr.DD Lapang, Dr.C.Lyngdoh bad kiwei kiwei ki riewrangbah jong ka Party Congress, hadien kata la pynlong ia ka jingthung dieng ha katei ka sngi.