“Thung DC da u Khasi hapoh san sngi ha Ri-Bhoi”

Shillong, 6 Nailar:
Ki sengbhalang na Ri-Bhoi kynthup ia ka KSU, RBYF bad ka FKJGP kila ai por san sngi ia ka sorkar ba kan weng noh ia ka hukum ban thung Deputy Commissioner ka Ri-Bhoi district da kja bar jylla bad dei ban wanrah noh da u Khasi.
Dang shen, ka sor kar ka la thung DC ia ka Pooja Pandey kum ka Commissioner jong ka Ri Bhoi District.
“Lada ym thung DC da u khasi hapoh san sngi, ngin pynlong da ki jingiakhih katkum ka rukom ka synshar paid bah”, la byrngem kine ki sengbhalang ha ka shithi ba la phah ha u Myntri Rangbah u Dr Mukul Sangma uba dang don ialade sha South Africa.
Kane ka jingpyrshah jong ki ka long ba dei ban thung da ki Khasi ki ba dei na kajuh ka doh ka snam namar ka long ka jingmyntoi na ka bynta ki briew kiba sah ha katei ka thain khnang ba kan kham iarap ia ki paidbah lada ki shem jingjynjar ha kano kano ka liang.
Ha ka shithi,kine ki sengbhalang ki la ong ba mynshwa ka jingthung Deputy Commisioner da ki bar jylla ki bym dei ki Khasi ka la wanrah jingeh shibun ha ka iakren ha ka ktien ka tylliej namar ka jingbym sngewthuh ha ka ktien .
“Bun ki rangbah shnong kiba don ha ka Ri-Bhoi kim sngewthuh ia ka ktien phareng, ka long ka jingeh namarkata ban pyniaid ia ka kam lada wan long DC u bar jylla bym sngewthuh ia ka ktien Khasi namar ba u hap ban phah kylla Khasi”, la ong shuh kine ki sengbhalang.
La ong ba la shem jingeh ban wanrah ia ka jingshongsuk ha ka shnong kiba hap ha ki Raid Nongtung, Hima Khyrim, Hima Nongspung bad Raid Marwet kiba don hapdeng ka jingiakajia bad ka jylla Assam. Ia kane ka jingshongsuk lah ban wanrah tang lada thung da u khasi kum u Deputy Commisioner ha0 Ri Bhoi.