| Nongpoh: Kawei ka Night Super kaba don ia u number ML 08A 3123, kaba mih na Tura sha Shillong, ka la thung baji noh ha kawei ka wah bad kaba jaka kaba kham long khongdong hapoh ka surok NH-6 kaba hap hapoh ka shnong Jyntru ha Ri Bhoi.
La ioh jingtip ba katei ka Night Super, kaba la niah da u Rai ka la kylla hynnin ka step ha ka por 5 baje ei ei mynstep, hynrei donbok ba ha katei jingkylla jong katei ka Night Super, kam shem la wanrah ia kano kano ka jingjia kaba sngewsih lait noh tang kito kiba mynsaw malu mala. U nongniah jong katei ka Night Super, u la iathuh ba ka daw kaba la pynlong ia katei ka Night Super ba kan leit thung baji hapoh jong katei ka wah, ka dei namar ba u Steering jong katei ka Night Super u eh kynsan, tad haduh kaba la pynlong ia u ba um lah shuh ban tehlakam bad pynlong syndon ban thung baji ha katei ka wah. |
