“Thok ka tnad khlaw ia ka wad jingtip karkhana Nongstoin”

Nongstoin, 13 ‘lyngkot:
Ka seng HPSO hapoh ka jingialam jong u samla Marshall Syiem u ba dei u District President jong ka seng ha ryngkat ki dkhot ka seng myn ha ka 13 tarik u Kyllalyngkot 2015 ki la leit jngoh ia ki karkhana ki ba don ha ka Industrial Area Maw iaban, jong ka shnong Siejlieh Nongstoin ki ba dang hap hapoh u pud u sam jong ka West Khasi Hills District.
Ha ka tei ka jingleit jngoh ka Seng ka la lap tyngkrein ia ka jingpyn khein ain jong ki trai karkhana bad ia ka jingbym shimkhia jong ka tnad khlaw ka jylla, U president jong ka seng ula ong ba hadien ba ka seng kala iohi ia ki jingeh jong ka thain ha ka ba iadei bad ka jingpom dieng pathar na ka liang jong ki kum ka seng ki la leit ban pan da ka ain ia tip padidbah, na ka tnad khlaw.
Na ka liang jong ka Seng hadien ba la ioh ia ka ain iatip paidbah, ki la leit ban jngoh ia ki kar khana baroh ki ba don ha ka shnong Siejlieh dong Mawiaban bad kaei ba ka seng ka la lap kalong ba ka kam shym la iahap satia katkum ka jingpyni da ki kot ki sla ba la ai da ka tnad .
Ha ki tei ki kot ki sla ka pynpaw ba ki don tang Hynriew tylli ki karkhana ki ba don ha katei ka Industrial Area Mawiaban hynrei ka Seng ka lap ba don pynban da ki phew tylli kat kum ki kot ki sla bala ai da ka tei ka tnad ka ong ba kawei ka karkhana ka dei ban don tang kawei ka Mashin ban pyntrei kam pynban la lap tyngkrein ba kawei ka mill ka don haduh lai saw tylli ki mashin.
Kane ka jinglap jong ka Seng ka pynpaw shai ba na ka liang jong ka tnad ka la thok bad shukor ia ka Seng ym tang ia ka seng hynrei ia ki paidbah hi jong ka shnong ki ba shong ba sah ha siejlieh, ha ka ba iadei pat bad ki nuit ki nier la ong ba katkum ka jing ai jingtip ka department ka la ong ba ki ju kit sha bar ban leit bret hynrei ka seng ka la lap tyngkrein ba ki la shu bret pathar hajan ki wah bad ki shu thang hajan ki jaka jong ki paidbah.
Katei ka jingleh torti jong ki tei ki karkhana ka la pynlong ia ki paidbah ba sah marjan ban sngewthut namar ki kper ba marjan ruh kim long shuh, bad khamtam ka wah leilei kaba ki ju pyndonkam ban sum ban sait mynta pat lah jynjar namar ki jakhlia ba wan tuid na ka jingbret pathar ba wan na ki .