Thok ka EVM, poi lut ki vote sha ka Congress ha Maharashtra

Shillong, 18 Iaiong:
Ka jingsniew ka ma shin thep vote EVM, la iathuh, ba ka la pynlong ia baroh ki vote ba la thep ban poi lut sha u kyrtong ka Congress ha Sindhudurge district, ha kane ka sngi Palei.
Kane ka jingjia ka la paw pen ryngkew haba ki nongshong shnong ka Padve-Mazagoan ki la ujor ba baba ki khniot ia ki budom, ka mashin ka meh light ha ka shap jong ka Congress.
Namar kane ka jing jia, ka la pynlong ia ki nongthep vote katei ka shnong ba sangeh thep vote haduh lai kynta haduh ba ki nongtrei ka tnad elekshon kin wan ban bujli da kiwei ki mashin. Ka jingthep vote ka la sdang biang ha katei ka jaka haduh 1 baje janmiet.
Kumba 68 ngut ki nongthep vote ki la kam ba ki vote jongki ki la leit sha ka Congress kaba kim jied satia, kaba pynieng ia u Nilesh Rane uba iakhun na ka Ratnagiri-Sindhu durge constituency kaba don ha ka thain Konkan.
Kum kane ka jingjia, ka mih ruh ha Pune haba ki nongthep vote ki la lap ba u budam ba ki khnoit u meh ding tang jong u kyrtong ka Congress.
Ki nongjied ki la pyntip ia kane sha ki nongpyniaid elekshon bad ki la pynsangeh noh ia ka jingthep vote mardor. Ka jingthep vote ka la sdang biang hadien 90 minit ha kane ka jaka hadien ba la bujli ia ki mashin EVM.
Ka election commission ka la shah biang 28 ngut ki nongthep vote kiba la dep thep ba kin thep biang namar ka jingsniew ki mashin EVM.
Ki seng sain pyrthei ki la dawa ban pynjlan ia ka por thep vote sha ka lai kynta ha Sindhuburge bad 90 minit ha Pune ban pyndap ia ka jingduna ka por ba la duh namar ka jingsniew ki mashin EVM.