Thoh U President ka PDF sha u bah Banteidor, halor ka kam dewiong

Shillong:U president ka People Democratic Front (PDF), Jaintia Hills, u bah Shiborlang Lamare u la kyntu ia u bah Banteidor Lyngdoh uba dei ruh u MLA ka PDF bad ruh u myntri ka tnat rep ban iakren bad u myntri rangbah ka jylla Meghalaya u Conrad K Sangma, halor ka jing shah ka sorkar iaki trok kit dewiong na Assam ban wan sha Meghalaya.

U president ka PDF u bah Shiborlang Lamare, u la kyntu ruh ia u bah Banteidor Lyngdoh ban lum lut ia baroh ki MLA ka PDF bad ban pynbor ia u Conrad K Sangma ban weng noh mardor iaka hukum ban shah iaki trok kit dewiong na Assam ban wan kit dewiong shaki karkhana dew bilat hapoh East Jaintia Hills.

U nong ialam ka PDF, u la maham ruh ba lada u bah Banteidor Lyngdoh um lah ban iakren bad u myntri rangbah ka jylla halor kane ka mat, ki nong ialam bad ki nong kyrshan ka PDF kim banse ban phet noh naka seng PDF.