Thoh U MLA sha U MR, na ka tulop ki nongtrei MCCL

Shillong, 26 Rymphang:
UMLA ka Sohra Konstitwensi u bah Titos Chyne u la thoh shithi sha u myntri rangbah ka jylla u Dr.Mukul Sangma ba un shimkhia ban pynioh noh ia ka tulop ki nongtrei ka MCCL kaba la sahteng la jan shisnem eiei mynta. Ha katei ka shithi u MLA u la kdew ba mynta ka la dei ka por long skul ki nong trei jong katei ka karkhana pynmih dewbilat ki la ia kynduh jingeh ban pynbiang ia ki bai rung skul, ki bai kot bai sla ki khun jong ki bad u la ong ruh ba katei ka jingbym ioh tulop ka lah ruh ban pynpait pynpra ia ka longing longsem jong ki. U la ong ba um donlad ban leh da kumwei pat hynrei ban kyrpad jur ban tuklar noh ia katei ka kam kham kloi.