Thoh shithi ka Lawei ba phyrnai sha ka HNLC bad kyntait ba dawa pyllait ia U Bah Julius Dorphang

Sha,

I Bah Saiñkupar Nongtraw
Publicity Secretary,
Hynñiewtrep National Liberation Council (HNLC).

Ka Phang: Ka jingpynshai na ka Lawei ba Phyrnai, ha lyndet ki hamsaïa.

Bah Saiñkupar,

Kumba phi la bna na ki khubor kiba la pur stet lyngba ki lad pathai khubor bapher bapher ïa ka jingmih pyrthei jong kawei ka Seng ki nonghikai kaba la shim noh ïa ka lynti jong ka jingïa-umsnam namar ki daw kiba har rukom; ngi thoh sha phi mynta ban pynshai khyndiat halor kine kiei kiei baroh.

Nyngkong nyngshap, ngi kwah ban pynshai ba ka Lawei ba Phyrnai kadei ka synjuk ki nonghikai ba la seng da 7 ngut ki nonghikai kiba don ka mynsiem ïeid jaitbynriew kiba kynthup ïa san ngut ki nonghikai skul, iwei i nonghikai college bad iwei pat i nonghikai iba ju hikai ha kawei ka University hapoh ka Ri. La seng ïa kane ka synjuk ha ka 21 tarik u Kyllalyngkot, 1991. Hynrei namar ki daw kiba har rukom, namar ka jingshah shet kylla ha ka Sorkar na ka por sha ka por, namar ka jingshah banbeiñ ha ki bor ka aiñ, kane ka synjuk ki nonghikai kam banse ban pyndem noh ïa u khulom bad kieng noh da ka suloi; bad ha ka 21 tarik u Kyllalyngkot, 2022 ngi la rai shi sur ban pynkylla noh ïa kane ka synjuk ki nonghikai sha ka seng kieng atiar. Bad tang hapoh 3 bnai, ngi la ïoh pynrung ruh ïa 30 ngut ki dkhot hapoh ka Seng kiba long ruh ki samla kiba la nang la stad bha hynrei ki bym ïoh satia ïa ka kam ban kamai ja kpoh.

(2) Bah Saiñkupar, phin lyngngoh balei ngi phah shithi sha phi mynta. Ka daw ka long ba ngi kwah ban pynshai khyndiat halor ka khubor ba la mih ha ki lad pathai khubor kaba ong ba, “ka Lawei ba Phyrnai ka la dawa ban pyllait noh ïa u Bah Julius Dorphang, bad ban ieh marwei hapoh kawei ka bus ha ISBT.” Katkum ka jingtip ba ngi la ïoh, kane kadei tang ka buit jong ka Sorkar ban pynkut noh ïa ka jingim jong u Bah Julius Dorphang, bad ban pynkit pap pat ha ka Lawei ba Phyrnai. Ngim shym phah kano kano ka email sha ka Sorkar ban pyllait noh ïa u Bah Julius. Kane baroh kadei tang ka buit jong ka tnat pulit.

(3) Ngi kwah ban pynshai ruh ha phi ba ki dkhot ka Lawei ba Phyrnai kidei ruh ki briew kiba ju kyrshan met bad mynsiem ïa ka Seng HNLC la bun bun snem mynta. Mynta ngi thoh sha phi naba ngi la donkam sa ïa ka jingkyrshan na phi kylliang. Ka Seng jong ngi, kadei ka bym da ïoh da kot, bad na kata ka daw, ngim pat lah ban ïoh thied ïa ki tiar pynbthei ban pynsawa jam ïa ka jingmih pyrthei jong ngi. Bah, ngi donkam ïa ka jingïarap jong phi. Sngewbha phah, ïa wei u shipai jong phi uba don ka mynsiem ba shlur shisha ban leit buh tang uwei u bomb ha kano kano ka skul Sorkar lane ka ophis jong ka MBOSE hapoh ka 1 tarik u May 2022.

Ngin ym klet ïa kane ka jingïarap jong phi. Kane ka shithi ka long ka jingpyntip sha phi ba phin sngewthuh ban leh ïa kiei kiei kiba donkam. Khublei Shibun.

Uba burom ïa phi,
Bah Pariat
Publicity Secretary,
Lawei ba Phyrnai

Hadien ka Kut: Ngi kyrpad ba phin buhrieh ïa ka jingïatreilang jong ngi, hynrei pynpaw pyrthei beit ba ngim ïadon bynta eiei, da kaba pynrem ïa ka Seng Lawei ba Phyrnai.