Thoh kot hindi ka longkmie Khasi

Shillong:Ka long shisha ka jingsngew sarong ia ka jaidbynriew Khasi bad kumjuh ruh ia ka jylla hi baroh kawei namar kawei ka longkmie Khasi ka la lah ban thoh bad pynmih kot ha ka ktien Hindi.

Kane ka kot ka dei kaba la ai kyrteng “Khasi Lokkathaen” ba la thoh da ka Dr. Filmeca Marbaniang Associate Professor, Hindi Department jong ka St. Anthony’s college.

U Lat ka jylla Meghalaya u Satyapal Malik u la pyllait paidbah kane ka kot ha ka 29 tarik Naiwieng ha Rajbhawan Shillong.

Ha kane ka kot la thoh bad bishar bniah ia ki khanatang khasi bad la batai ruh shaphang ka ktien Khasi bad ia ka jingriewspah jong ka kolshor khasi. Lyngba kane ka kot, kiwei pat ki jaitbynriew ki bym lah ban pule khasi kin lah ban ioh jingtip halor ki khanatang jong ka jaidbynriew Khasi.