New Delhi: Ki nong ialam liang pyrshah bapher, ba kynthup ia ka Sonia Gandhi, President ka seng Congress, U Sharad Pawar, Presidetn ka NCP, ka Mamata Banerjee, nongialam ka TMC lem bad kiwei pat ki nongialam jong ki seng sain pyrthei, ki la thoh sha U President ka Ri, U Ram Nath Kovind, ba un hukum ia ka sorkar, ba kan pyn shitom, ia kito kiba kynnoh beain ia U Father Stan Swamy, halor ka jingjia ha Bhima Koregaon-Elgaar Parishad, ha kaba u la iap noh, ha ka Lah Sngi U Blei.
Ki nong ialam liang pyrshah, ki sngewkhia shibun, halor katei ka jing kynmaw kaba khlem don sabut eiei, kaba long pyrshah ia U Swamy, uba la ju don lang ban iarap ia ki jait bynriew adivasis ha Jharkhand bad uba la shah set phatok, naduh U Risaw jong u snem ba ladep, ha ki kyndon jong ka ain UAPA.
La kynnoh shuh ba ia U Swamy, ym shym la ailad ba un shah sumar, haba u don ha ka jingpang bad nangta, la ong ba wat tang ki tiar ban ai ia ki jingdih ba long um ruh, kim shym la shah satia, ha ka por ba u shah set ha phatok, kat haduh ba kan da mih ka jing ia khih pyrshah ha kylleng ka Ri.
Phi don ban ong eiei?