Thoh ka CRJW sha ka sorkar

Shillong, 7 Jylliew:
 U President ka Chdooh Ri Jaintia Wama ya (CRJW) u maWK Su chiang u la phah da ka jingthoh sha ka sorkar ha ka 30 tarik u jymmang ban pyllait na ka Rule 25 (5) kaba iadei bad ka kam ialeh elekshon ki Rangbah Shnong katkum ka Bill jong ka Jaintia Hills Autonomous District Council (JHADC) Jowai.
 Ha katei ka jingthoh ka Chdooh Ri Jaintia Wamaya, ka ong ba ka JHADC ka la pass ia kane ka Bill ha ka dorbar lyiur jong ka kaba la long ha ka 25 tarik u lber, 2015 khlem kynjoh ktien lane khlem pynsngew paidbah shaphang katei ka Bill.
Katei ka seng ka la ong ba ka Rule 25 jong ka Bill ka kdew halor ka phang “Ka kyrdan pule jong u  briew uba kwah ban ialeh elekshon na ka bynta ka kam Rangbah shnong”. Nangta la ong ruh ba kat kum ka sub clause (5) ka District Council kam shah ia u nongtrei jong ka ban long rangbah shnong kaba long pyrshah ia ka hok kynti jong u briew ban ia tynrong nad bah tympha ia ka kam shnong kam thaw. Halor kane ka phang na ka liang ka Chdooh Ri Jaintia Wamaya ka la pynrem jur ia kane ka jingbuh kyndon jong ka JHADC ia u nongtrei jong ka ba um lah ban ialeh bad ban long Rangbah shnong ong ka kyrwoh kaba la pyllait da u President jong ka Chdooh Ri Jaintia Wamaya ma W.K. Suchiang.