Shillong: Ka jingiatai ha Social Media ka la thnam hi puk halor ka kyrteng jong ka District thymmai jong ka Mairang ia kaba la ai kyrteng kum ka Eastern West Khasi Hills District ia kaba yn sa plie paidbah noh lashai ka sngi ka 10 tarik u Naiwieng 2021 da u Myntri Rangbah ka jylla u Conrad K Sangma.
Ki la mih ki jingiatai bapher bapher la ha Facebook ne ha Whatsapp ruh halor kane ka phang ha kaba la don ruh napdeng ki riew shemphang jong ka Geography kiba la thoh ha Facebook ba ym ju ioh sngew hangno hangno ruh ba kan don kaba kum kata ka phang katkum ka jingthew jong ka Geography lane kaba ki ong ha ka ktien nongwei ki Cardinal Directions.
La don uwei u riew shemphang Geography uba la thoh ba ha ka Geography la don tang ka shathie , ka shatei, ka Mihngi bad ka Sepngi ne ka North, East, South bad West bad ki phang siat jong ki pat ki don tang ka North East, North West, South East bad South West lane ha ka ktien Khasi ka Shatei Lam mihngi, ka Shatei Lam Sepngi, ka Shathie Lam Mihngi ne ka Shathie Lam Sepngi bad kam ju don kata ka Eastern West lane Sepngi Lam Mihngi ne ka Mihngi Lam Sepngi.
Ha ki jingthoh Social Media la don ruh kiba kynthoh ha ryngkat ka jingai jingmut ba ka Sorkar ka la dep ban jer kyrteng ia ka District Mairang da ka Central Khasi Hills namarba ka Mairang ka la long Pdeng lane ba ka Sorkar ka la dei ban jer da ka Khadsaw Phra District ruh. Lah ban kdew ba dang shen ka kynhun Myntri Sorkar ka la Pynbna ba kan plie paidbah ha ka 10 tarik u naiwieng ia ka District Mairang bad yn jer kyrteng ia ka da ka Eastern West Khasi Hills District.
Sngewthlun ban kynnoh “Eastern West Khasi Hills” lah sngewdei ban jer “CENTRAL KHASI HILLS” ne “NORTH WEST KHASI HILLS” ka kham long bold bad sngewbeit ban kynnoh .. tang ba lashai lah plie ….
Lah da ka 14.8 District lane ka Mairang District
Namarba ka mih na West Khasi Hills bad ka don ha mihngi jong Ka kata daw imat ki ai Eastern West Khasi Hills