Shillong 08 Rymphang: Ka Dorbar Shnong Wahingdoh ha ka 08 tarik u Rymphang 2025, ka la pynlong ia ka Common Platform ne ka rynsan iataiñia na ka bynta ka MDC ilekshon sha KHADC ka ban sa long ha ka 21 tarik mynta hi u bnai hapdeng ki kyrtong na Shillong 18 Mawkhar pynthorumkhrah konstitwensi.
Ia kane ka ka rynsan iataiñia la pynlong ha Community hall Wahingdoh.
Hane kane ka sngi baroh hynniew ngut ki kyrtong ki ban sa ia aireng ha kane ka ilekshon MDC ki la ia wan lut ki iba kynthup ia u kyrtong shimet u Bah Diton John Wahlang, u Bah Raymond Basaiawmoit Kyrtong ka KHNAM, u bah Pynshngain N Syiem kyrtong Congress, U Bah James Ban Basaiawmoit Kyrtong Ka United Democratic Party(UDP) U bah StrongPillar Kharjana kyrtong na ka seng Voice of the people party (VPP), u bah Kordor L.Nongkynrieh kyrtong na ka seng National People Party (NPP) bad u Bah Jubanlang Kharbihkhiew u ba dei u kyrtong na ka Seng HSPDP.
Haba kine ki kyrtong ki la ieng ha ka rynsan ki la kren bad ki la pynsngew iala ki jong ki jong ki mat ki jura bad ka rukom treikam ha kaba ka seng ka thmu na ka bynta ki mat kiba iadei bad ka District Council.
Baroh ki hynniew ngut ki kyrtong ki ba ia ieng ban iatai ia la kijong kijong ki ñia, ki la iatai bha ia Ka mat ha kane ka common platform ka dei halor ka Article 371 bad ka 6th Schedule, ha ka ba ki la pynsngew ha la ki jong ki jong ki nongrim ba ki don.
Napdeng kitei ki hynniew ngut ki kyrtong don ki ba la pynpaw ba ka Article 371 kam da donkam eh ban iatai, hynrei ka ba kongsan eh kadei beit na ka bynta ka 6 schedule. Ka 6 schedule kadei ia ka bynta ka ba la pynkhamti hapoh ka district council bad yn nym lah ban weng namar ka ka don lypa ha ka constitution.
“Ngin dangiaid pyntyllun iaka 6 schedule kumba ka constitution jong ka Ri India ka la ithuh ia ki paidbah Khasi kum ki jaitbynriew ba kyrpang ha solansar Jong ka Ri”, ki kyrtong ki la ong ruh, ba kidon ki ba phai khmat sha ka Article 371, hynrei haba kylli bniah pat na ki riew shemphang jong ka bri u hynniew trep ki la ong, ba donkam ban pynkhlaiñ ia ka 6 schedule ha District Council ka ba long ka nongiada ia ka bri u hynniew trep.
Nalor kata napdeng kitei ki kyrtong la don ruh ki ba la pynpaw, ba lada don ia ka 6 schedule kan jin da la bha ban don ruh ia ka Article 371 namar ba ka 6 schedule ka la don lypa iakata ka bor ka ba khlaiñ ban pyntreikam iaka, bad la aibor ia ka ban thaw aiñ ha kaba iadei bad ka khyndew ka shyiap, ki umbam umdih, halor ka mariang, ka Riti ka Dustur bad kiwei kiwei de.
Ka ba baroh ki hynniew ngut ki kyrtong ki ba ia pyrshah kadei, ha kaba iadei bad ka mat tieh ia u Uranium, da kaba ki la ia ong, ba lada kin poi sha ka thong ha kane ka ilekshon, da lei lei ruh kin nym shah ban wan tieh ia u ne u marpoh khyndew.
Nalor kitei ki mad, ki kyrtong ki la iatai ruh ha ka ba iadei bad ka rukom pynneh pynsah ia ka umbam umdih , ka jingthung kam thungjam kaba khuid kaba suba ha KHADC bad ka jingshah thombor ki khasi ha ki khappud ha ki briew ki bym dei ki jaitbynriew Khasi ha ki jaka kiba dang hap hapoh ka District Council.
leh raiñ ki ba sngap kumno ki kynmaw ia kata ka mat tang la jan ka election ynda ka dep ka election pat lada ka sorkar Assam ka wan poi wat ha khiew ja ruh ym don ba iohi.
ko ki paitbah ba ieid ehh pyrkhat arsien bad da husiar bha ban jied ia u kyrtong ioh phi bakla jied ia u bsieñ yn sa puh kylla ia ngi.