Thmu weng noh ia ka NEEPCO na Shillong

Shillong: Ki dkhot ka seng Hynñiewtrep National Youth Front (HNYF) myn hynnin ka sngi ki la leit ban ia kynduh ia u myntri rangbah ka jylla u Conrad K Sangma ban pyni ia ka jing pyrshah halor ka jing thmu ka sorkar pdeng ban weng noh ia ka ophis treikam ka North Eastern Electric Power Corporation Limited (NEEPCO) na ka nongbah Shillong khlem da ia suhbuit shwa bad ka sorkar Meghalaya.

Ka HNYF ka la pynpaw ka jing lyngoh ia ka jing thmu ka sorkar pdeng ban weng noh ia ka ophis treikam ka NEEPO khlem dap phah jing tip sha ka sorkar Meghalaya.

Ka HNYF ka la kam ba lada wng noh ia ka NEEPCO na ka jylla kan wanrah jing duhnong shibun ia ki paidbah ka jylla namar ka NEEPCO nalor ba ka dei ka tnat ai bording hapoh ka jylla, ka la iarap shibun ia ka samla paidbah ka jylla na ka bynta ban ioh kam ioh jam.
Ha ka ‘Memorandum’ ba la ai sha Conrad K Sangma ka HNYF ka la kyntu ia ka sorkar Meghalaya ban tuklar halor ka jing thmu ka sorkar pdeng ban weng noh ia ka ophis, nalor ba ka NEEPCO ka la dep mang jaka lypa ha Mawdiangdiang na ka bynta ban tei ia ki ophis complex bad ki jaka sah na ka bynta ki nongtrei jong ka.