Thmu thang im ka kmie ia ka khun

Shillong,17 Nailur:
Uwei u rangbah u la shah dung da ka tari ha kawei ka longkmie ka bym lah ban ithuh kyrteng. Katei ka jingjia ka la jia ha ka 16 tarik mynta u bnai ha ka por 6:30 baje janmiet ha them Iew Mawlong. Utei u samla uba la tip kyrteng kum u Fulstar Marbaniang 24 snem karta u la mynsaw jur bad la pynkit ia u mar-mar sha civil Hospital na ka bynta ban shah sumar. Ki pulit kim pat shym la ioh kem ia katei ka longkmie bad ka jingtohkit ka dang shakhmat.
Ha kawei pat ka jingjia ha ka 16 tarik mynta u bnai hi, ha ka por 11 baje mynmiet kawei ka longkmie kaba la tip kyrteng kum ka Smt. Laxmi Kaur 36 snem karta ka la synreit da ka um phniang sharak ia ka khun jong ka- ka Miss Poonam Kaur 19 snem da ka jingthmu ban thang im ia ka. Kane ka jingjia ka la jia ha ing sah jong ki hi ha Sweeper Colony, Iewduh, Shillong. Kipulit ki dang pynlong ka jingtohkit.