Thmu shim kabu, ki khar Assam, ia ka injek Covid ha Baridua

Nongpoh:La ioh jingtip ba myn hynnin ka sngi, ki la don shibun ngut ki briew na ka jylla Assam, kiba sah ha khappud bad ka Meghalaya ha Baridua, ki la thmu ban leit shah Injek ialade ha kawei ka jaka, kaba ki briew ka koit ka khiah na Meghalaya, ki la buh kyrpang na ka bynta ban ai injek ia ki briew kiba dei beit thik na Meghlaya.

Ka jingtip kaba la iohlum da u Nongthoh khubor, la ong ba tang mar ia poi ki briew ka koit ka khiah na Meghalaya ha Baridua, ki la don ki briew kiba dei na ka jylla Assam, ki la ap lypa bad kiba la kwah palat ban ioh ia katei ka Injekshon, hynrei namar ba ki briew ka koit ka khiah na Meghalaya lem bad ki briew na Baridua, kim shym la ailad ia kitei ki briew na Assam, ka la pynlong ia kitei ki briew ba kin leit noh sha la ka jong ka jaka bad kim shim la ioh satia ia ka Injek na ki briew ka koit ka khiah na Meghalaya.