Thmu rahbor ki runar ia u khun u SP ka East Jaintia na College

Shillong,28Risaw:
Mynta ka sngi ar ngut ki runar ki bym ithuh satia, ki la thmu ban rahbor ia u khun jong u Superitendent of Police ka East Jaintia Hills District u Bah M K Dkhar. Katei ka jingjia ka la jia mynta ka step ha kaba kitei ki runar ki la rung ha St.Edmund’s College ka jaka ba u khun u SP u pule da ka jingthmu ban rahbor ia u.
Ha katei ka jingjia ka jingthmu jong kitei ki runar ka la pulom noh hadien ka jingiarap, jong kiwei pat ki samla ba ia pule lang ha ka juh ka tei ka kolej , kiba la pynrieh ia u ha ka jaka leit shabar kaba don hangtei. ‘Ki khynnah klas XII ka St.Edmund ki la iarap ban pynrieh ia utei u khynnah ha ka kamra leit shabar kaba don hapoh katei ka kolej’ ong ka khubor.
Kitei ki ar ngut ki runar ki la pyrshang ban rahbor ia u khun u SP da ki buit thok kaba ki la wan iathuh ha u ba u kpa jong u u don hapdeng ka jingmynsaw na ka jingjia aksiden bad u hap ban leit ryngkat noh bad ki, utei u khynnah u la i pher ia kita ki briew bad u la ong ia ki ba kin ap ba un leit shabar shuwa bad na jaka leit shabar u la phone ia u kpa jong u. U bah Vivek Syiem, SP City, u la iathuh ha ki nongthohkhubor ba ki pulit mynta ki dang pynlong ka jingtohkit ban lap ia kita ki ar ngut ki runar kiba la pyrshang ban rahbor ia u khun u SP. Ka khubor ba la ioh lum la ia thuh ba kitei ki ar ngut ki runar kim shym la nud ban rung jubor hapoh ki kamra kolej, wat la ki la rung hapoh katei ka jaka jong ka St.Edmund’s.
Halor katei ka jingjia, u Principal ka kolej, u Sylvanus Lamare u la ujor sha Laitumkhrah PS, ha ka juh ka por u SP ka East Khasi Hills u Bah M H Kharkrang u la ong ba ki pulit ki dang tohkit halor ka tei ka jingjia, la ka dei ka jingjia ba thmu rahbor ne em bad lada ka dei ki pulit kin tohkit ruh ia ka daw jong ka jingpyrshang ban rahbor. U la ong ba baroh ki jingshisha kin sa mih hadien ba la kem ia ki ar ngut ki khynnah samla kiba la leh ia katei ka kam.
Ka Dorbar shnong Wahthapbroo ka phah ia ka jingsngewlem sha ki bahaing ha sem jong u Vikash Nandwal, u trai ka dukan ka Meghlaya Machineries, kaba sdang hap hapoh ka Dorbar shnong Wahthapbroo uba la khlad noh ha ka jingshah thang hapoh ka dukan, ha kine ki taiew ba la dep. Ka dorbar shnong Wahthapbroo ka kitbok kitrwiang ruh ia ka ing ka sem jong u , bad ka mynsiem jong u kan kyrkhu kyrdoh ia ka ing ka sem jong u baroh kawei.