Thmu pyntlot bor ka sorkar ia ki District Council, ong u CEM

Shillong,
22 Rymphang:
U CEM ka  KHADC u Bah Adelbert Nongrum u la ongba ka jingthmu ka sorkar jylla ban thaw ain ia ki Rangbah Shnong banbatai ia ki kam bad ki jingkitkhlieh jongki, ka pyni ba ka sorkarjylla ka thmu ban pyntlot bor ia ki district council.
“Ka jingong jong u Myntri Rangbah ka jylla u Dr Mukul Sangma banthaw ain ka sorkar ia ki Rangbah Shnong ka pyni ba ka don ka jing thmuban pyntlot ia ki District Council bad ka suba jur ba ka don eiei halyndet halor kane”, la ong u Bah Nongrum.
U la ong ba ka sorkar jylla ha ki snem ba la dep, ka la shim juboria ka jingpyniaid ia ki skul primary na ki district council bad samynta ka thmu ban knieh ia ka bor jong ka Council ha kam ki rangbahshnong.
“Ka sorkar jylla suki skuki ka thmu ban pynjah noh ia ki districtcouncil kiba la pynkup bor da ka Sixth Scheduled  ka riti synshar kari” la ong u CEM ka KHADC.
Shwa ia kane ha ka sngi Thohdieng, u Myntri Rangbah ka jylla u la aiksai ba ka sorkar jylla ka lah ban thaw noh da ki ain ia ki RangbahShnong hadien ba la mih ka rai na ka Kashari ba la sloit ia ka borjong ki rangbah shnong.
“Ngi dang eksamin ia ki kyndon ain mynta, la ka biang ne em banshna ain noh ia ki rangbah shnong hadien ba la mih ka jingeh na ka raika High Court,” la ong U Dr Sangma.
Ha kajuh ka por, u Bah Nongrum u sngew ba ka sorkar jylla ka dei banai noh ia ka jingpdiang ia ka ain Village Administration Bill, 2014jong ka KHADC ha jaka ban thaw ia ka ain lajong.
“Ka rai jong ka sorkar jylla ban bat ia ka ain bun bnai, ka pyni bakam don ka jingsngew khia ia kane”, u la ong.
U CEM ka  KHADC u la ong ba ka sorkar jylla ka pan jingshai halorkane ka Bill hadien ba la shah sangah ha kiba bun kynthup na ka KHADC.
“Hynrei, sngewsih ba wat hadien ka jingpynshai na ka Council, kasorkar kam shym la kdew shai ia kiei ki jingduna ha ka Bill ka KHADC.
U la ong ba ki la thoh sha ka sorkar jylla la ar taiew halor kane kajingpan jingshai ka sorkar hynrei kam shym la ai jubah haduh mynta.
“Haduh mynta ngim pat ioh jubab eiei na ka sorkar halor kane”, la ong u CEM.
    U la ong ba kin leit iakynduh bad ka sorkar ban iakren ia kijingduna kiba ka la ong halor kane ka Bill.
“Ngi ai jingmut ba ka sorkar ka dei ban pynlong ia ka jingialanghapdeng ki heh ka KHADC bad ka sorkar halor kane ka kam. Ngim lah banap ia kane namar ba ka long kaba donkam palat”, u la ong.