Thmu pynthymmai ka SMB ia ka bai musur

Shillong, 21 Naiwieng:
Ka Shillong Municipal Board (SMB), ka la thmu ban pynkiew noh ia ka bai khrong musur kum shi bynta ban pynbha ia ka jinghiran pisa kaba la ktah jur ia ka tnad ban siew sha ki nongtrei.
Hynnin ka sngi ki nongtrei ka MSB ki la byrngem ban pynlong da ka jingiakhih lada ka sorkar kam lah ban pynlait ia ka tulop jongki, kaba la sahkut la san bnai naduh u Nai tung mynta u snem
Katkum ka khubor na ka SMB ka la don ka jingpyrkhat ban pynthymmai ka rukom khrong musur khnang ban pyndap ia ka jinghiran pisa ha kane ka tnad bad kane kan treikam noh lashem snem lada urlong ka jingthmu.
Ka SMB ka ioh khajna na ki jaka pynieng kali, ki iew, ki dukan, bad kiwei ki jingioh.
La iathuh ba ka jing thmu ban pynthymmai ia ka dor musur ka long ban iaid katkum ka jinglong ka por. Hynrei ban pyntreikam ia ka musur thymmai, donkam ban ioh ia ka jingmynjur ka kynhun myntri halor kane.
Katkum ki kyndon, ia ka musur lah ban pynthymmai man ka san snem bad ka bai musur kaba la pyntreikam mynta dei naduh u snem 2007.