Thmu leh be-ijot u 13 snem ia ka 9 snem

Jowai, 10’lyngkot:
Ki pulit West Jaintia Hills ki la ioh ia ka jingujor na ka kmie jong kawei ka khynnah kaba dang 9 snem ka rta ba ka la lait salit na ka jingshah leh be-ijot ha uwei u khynnah uba dang 13 snem ka rta.
Katei ka jingjia ka la jia ha Shangpung Poh-shnong hynnin ka sngi. La iathuh ba utei u khynnah u la phon la pah ia katei ka khynnah bad u la ialam ia ka sha u Lum Pohkseh Ionglaw kaba don ha Shangpung Mission.
Utei u khynnah u la don ruh ar tylli ki kes bat tnga jubor ha u bnai November u snem ba la dep ha Iawthymme, Ladthadlaboh Jowai ha kaba ar ngut ki khynnah kynthei kawei kaba 7 snem bad kawei pat kaba dang 8 snem ka rta ki la ngat ha ki kti runar jong u.