Shillong: Lai ngut ki rang ialehkai ka Shillong Lajong kata u Samuel J. Lyngdoh Kynshi, Kenstar Kharshong bad u Naorem Mahesh Singh kila shah thied ram (loan) ha ka kynhun ialehkai ka Kerala Blasters FC na ka bynta ka samoi second division I-League 2020.
U Samuel Lyngdoh ba 19 snem u dei u rang ialehkai pdeng ka Shillong Lajong ha ka lympung Shillong Premier League bad ka Meghalaya State League 2019. U thep 9 kol ha ka SPL & MSL.
U Samuel u la iasoh bad ka Shillong Lajong Academy ha 2015 bad jop bun ki khusnam kynthup ha ka U-18 I-League ha 2017. U la ialehkai ha ka I-League ha ka 27tarik Naiwieng 2017.
U Kenstar Kharshong u dei u kapten ka Lajong ha ka Shillong Premier League bad ka Meghalaya State League 2019, uba la ialam ia ka kynhun ban rah ia ka nam lahduh ha ka lympung MSL. U dei u rang ialehkai dien bad u la shah jied kum u rangialehkai dien ba kynsai ha ka Shillong Premier League. U la mih madan nyngkong haka I-League ha ka 5 tarik Kyllalyngkot 2018 pyrshah ia ka Chennai City FC.
Katba u Naorem Mahesh Singh u la iasoh bad ka Shillong Lajong Junior ha u snem 2017 . U dei na Manipur uba la ialehkai na ka Lajong ha ka 2019 ha ka SPL & MSL. U la thep 12 kol.
Une u rang ialehkai ba 20 snem u ialehkai na wing bad u la mih madan nyngkong ha ka I-League ha ka 28 tarik Risaw 2018 pyrshah ia ka Aizawl FC.
Kine ki lai ngut kin leit iakhun na ka Kerela Blastar bad ka Shillong Lajong ka la kitbok ia ki.
Phi don ban ong eiei?