Thied marbam u MLA ka Shella ia ki shnong jong ki 3 Elaka

Shillong: U MLA ka Shella u bah Balajiedkupar Synrem u la pynthied marbam kum u khaw bad kiwei ia ki shnong ba hap ha ki 3 tylli ki Elaka kiba hap ha ka konstitwensi. Kine ki Elaka ki kynthup ia ka Umniuh-Tmar, Nongjri bad ka Tynriang kiba hap ha ka Shella konstitwensi hynrei kiba don ha ka Pynursla Civil Sub-Division.

Kane ka jingthied khaw u MLA ka long hadien ba ki paidbah ki la iakynduh jingeh ha kum kane ka jinghiran na ka jingsaphriang ka jingpang COVID-19 kaba la pynlong ia ka sorkar ban pynjari da ka hukum ban nym iamih ban nym ia iaid ia ieng ha kine ki 21 sngi kaban kut ha ka 14 tarik Iaiong shi bynta ban khang lad ia kane ka jingpang.U MLA u la phah ruh ia ka jingthoh sha u SDO (Civil) Pynursla ia ka pisa kaba T. 2.50 (Ar lak sanphew hajar tyngka). Na kane ka pisa, yn lah ban thied khaw kumba 80 kwintal ban sam pat sha ki paidbah kitei ki Elaka.