Thied ambulance T.4.5 klur, dang sah sa T.3.45klur ka pisa iarap u myntri rangbah

Shillong: La thoh ha ka facebook peij jong u myntri rangbah, ba ka pisa kaba la ioh lum na ka Meghalaya Chief Ministers Relief Fund, haduh ka 4tarik Jymmang 2020, ha ka por 9.12 baje mynmiet, ka long T.7,95,11,498.

Ka jinglut ka long T.4.5 klur ban thied 25 tylli ki Ambulance ia ka NHM bad ka pisa kaba sah mynta ka long T.3,45,11,498.

“Sngew dei ban ai khublei ia baroh kiba la ia noh synniang” ong shuh katei ka jingthoh jong U Conrad Sangma.

Lah ban pynkynmaw ba ia kitei ki 25 tylli ki ambulance, la thied da ka sorkar Jylla na ka sorkar Uttar Pradesh, ha kaba la iathuh, ba kitei ki dei ki kali rim.