Ki met iap jong kito kiba ioh pang coronavirus, ki la shu thiah lyngktar ha ki rud surok, ha ki lynti iaid bad katei ka dei na ka jing nang khie jur, katei ka jingpang ha ka ri Ecuador, kaba dei ka ri kaba ap hapoh Latin America.
Ka Ecuador, ka don 31 hajar ngut kiba ioh ia katei ka jingpang bad kiba iap, ki long 1,569 ngut. La iathuh ba ka jingiap mynta ha ki ri Latin America bad ha ki ri Caribbean, ka la poi sha ka 15,000ngut bad sa kiba ioh pang, ki la poi sha ka 280,000ngut.
Ka Ecuador, ka dei ka Ri kaba wan ba lai halor ka jingbun kiba iap ha katei ka thain, ha kaba ha Brazil, kiba iap ki long 7,921 bad kiba ioh pang, ki long 114,715, ha Mexico, kiba iap ki don 2,271ngut bad kiba ioh pang 26,025ngut.
Ki stad, ki ong ba katei ka jingpang, kan nang jur ha ki bynta jong ka Latin America, ha ki sngi ki ban sa wan.
Haduh mynta, ki don shibun ki ri, ba kynthup ia ka Ecuador, Colombia bad ka Dominican Republic, kiba la nang pynjlan ia ka pakhang shnong jongki, ban khanglad ia ka jing saphriang jong ka jingpang coronavirus.
Phi don ban ong eiei?