Thiah lyngktar ka thei samla ha surok bah

Shillong, 31 Naitung:
Kawei ka thei samla, kaba don 19 snem ka rta, kaba na Mawlai Nong-kwar, la lap, ba ka thiah lyngktar ha 5mer, Upper Shillong, ha ka 30tarik mynta u bnai. La kit mar mar ia ka sha Civil Hospital, Shillong bad ki pulit, ki dang tohkit halor katei ka jingjia.
Ha kawei pat ka jingjia, la iathuh ba ka ophisar jong ka District Commerce & Industries Center, Williamnagar (EGH), ka la ujor sha ki pulit, ba ha ka 12tarik Jylliew 2016, ka la ioh ia shibun ki jingkren phone, na u briew, uba kam ithuh, uba dawa pisa na ka bad utei uba kren phone, ula byrngem ruh ba un pyniap ia ka, lada jia ba kam siew ia katei ka pisa, kaba la dawa.