Thiah Hospital la saw sngi, tang shisien wat peit nongpang ki doctor

Shillong,30Jylliew:
Kham mynshuwa ha ki hospital sorkar kiba bun hi ki nongkyndong kiba ju leit thiah pang bad kham tam lei lei kito ki ba wan na ka longing ka ba duk hynrei ha kum kitei ki Hospital sorkar mynta ym dei tang ki nongkyndong hynrei wat kiba sor kiba wan na ki longing kiba khambiang ruh ki la sdang ban tur.
Ha kawei na ki hospital sorkar ka Ganesh Das hospital kaba don ha Lawmali la iathuh da ki katto katne ngut ki ba la leit ban pynthiah pang ia ki khun jong ki ki la ong ba ki la thiah kumba saw sngi eiei hynrei la wan peit doctor pat tang shisien. Laiathuh iwei longkmie iba la buhrieh kyrteng ia lade ba ki doctor ki peit tang ha ka por ba wan rung nyngkong bad hadien kata ym shym la don doctor ba wan peit satia hynrei la shu sumar hi tang da ki nurse kiba don hangtei kata ruh hap ban da khot lada ioh ba I khyllung I shitom jur.
La iathuh ruh ba ki ju wan tang ki nongthew jingshit jingkhriat kumba lai saw sien ha ka shisngi, hadien ba la iohi ba kam biang ka jingai jingsumar Itei I longkmie I la iathuh ba I la pyrshang ban ia kren bad ki nurse hangtei ban pynmih noh ia ki khyllung ban phah sumar shawei hynrei kaei pat kaba sngewlyngngoh ka long ba hadien ba la ong kumtei ki nurse ki ong ban ap haduh ban da wan doctor bad sa ia kren, shi sngi hadien ba I la ap bad hadien bym wan doctor ha ka kamra ba I thiah, I la leit biang ban ia kren hynrei ki la ong pynban ba lada phi kwah mih hi phi dei ban soi kyrteng tang yn ym ai ia ki kot ki sla bad ban paw ba phi mih jubor “Kane ka jingong ki nurse ka la pyntieng pynban ioh da leit phah sumar shawe kan long kumno kumno, kumta nga sngap la ka sngap” iathuh biang itei I longkmie.
Shuh shuh la ioh lum jingtip ruh ba ha katei ka hospital la don ruh iwei I khyllung iba shah dait dkhiew ha ka kamra ba I thiah pang haduh ba la don ki jingmong na ki shkor jong I, itei I khyllung I dei iba la pynthiah ha ka jaka ba kham kyrpang namar I don ka jingpang kaba khampher ha kaba la hap ban pynsyaid bha ia i. U nongthohkhubor u la pyrshang ban ia kren bad k bahaing itei I khyllung shaphang katei ka jingjia hynrei na ka liang jong ki kim kwah ban pynpaw eiei namarba ki don ka jingiatyngkhuh kam eiei ha katei ka hospital ,kiba thiah marjan kiba iohi ia kane ki la iathuh ba ki nurse kiba trei hangtei ki la kynnoh ba katei ka jingshah dait dkhiew I khyllung ka dei ka jinglehsih jong ki nongthiah pang. Kane ka jingjia ka dei ka jingjia kaba la jia la kumba ar taiew eiei mynshuwa.