Shillong: Ka Executive Committee jong ka Foreign Trade Chamber of Commerce Meghalaya kaba la long mynta ka sngi ka la thet kti ia ka jingpynmih khubor jong u bah Fendry Khonglah bad u bah D Khonglah kaba la dawa ban pynynriah kam ia u bah Heipor Passah Inspector DMR Dawki.
Ka kyrwoh khubor na u bah Richard Pohlong President ka la ong ba katei ka seng kam don jingtip eiei bad ka la kam ba kam ithuh ia kitei ki briew bad kim satia ki dkhot jong katei ka seng. Ka dawa na ka sorkar ba ka dei ban pynskhem ia utei u Inspector ha katei ka jaka. Ka la kyntait ruh ba u bah D.Khonglah u dei u Adviser bad ka la maham ban leh da kaba tyngeh ia kino kino kiba shim kabu ha ka kyrteng jong katei ka seng.