Ther U Saleng ba ai jamin, ia kiba thmu siat iap ia u

Shillong, 4 Risaw:
“Ka sorkar ka la pyllait jamin noh ia kito kiba thmu ban pyniap ianga bad kiba pynbthei bom ia ka iing jongnga, hynrei ia ki nongiakhih kiba dawa Jylla Garo la pynngat pynban ha ka ain MPDA” la ong u Saleng A Sangma MLA shimet haba kren ha ka por ba u kyrshan ba u Lamphang u dei ba pdiang ia ka ‘adjournment motion’. U Saleng u la kynthoh jur ia ka jingkem jong ka sorkar ia ki nongiakhih ban dawa Jylla Garo ha kaba la set phatok sha Jowai, hynrei ia kito kiba thmu ban siat iap ia u ha kaba la ioh kem ryngkat ki tiar siat AK-47 pat la pylait jamin noh.
Na ka liang jong u Saleng u la kynthoh jur ia ka sorkar namar shuwa ka ilekshon ka iing jongu ka la shah pynbthei bom bad ki la thmu ruh ban siat iap ia u, hynrei u la lait na kti jong kine ki runar.