Ther u phria, julor ki ing ha 5 shnong

Nongstoin, 3 Lber:
Ha ka sngi palei jong ka taiew, ha ka por 1 baje shiteng ei ei u phria u ba jur u la ther tyngeh ha ki bynta jong ka West Khasi Hills ha kaba 5 tylli ki Shnong ki la shah ktah jur, kitei ki san tylli ki shnong ki dei ka Shnong Marang, Jaidoh, Nong klung, Nongklung rim bad ha ki bynta jong ka Shnong Lai Lyngdoh.
Katkum ka khubor ba la ioh lum na u Secretary jong ka Shnong Marang u bah W.S.Syiemlieh u la iathuh ba kumba 70 tylli ki iing ha ka Shnong Marang ki la julor lut khait ha katei ka jingshah lynshop phria bad kumjuh ruh ha kitei ki saw tylli ki Shnong  bun na ki iing ki sem ki ba la jot bad la pei lut ki tnum iing. Shuh shuh u la iathuh ruh ba ha katei ka jingjia ym shym la don mano mano ba mynsaw hynrei tang ki iing, ki jingthung jingtep kila julor lut khait.