Ther U MP Rajya Sabbha, halor ka jingkhang ki iew khappud

Shillong:U nongmihkhmat ka jylla sha ka Rajya Sabha u Dr WR Kharlukhi uba dei ruh u President ka NPP Meghalaya mynhynnin ka sngi u la kyrpad ia ka Sorkar India ba kan wanrah thymmai noh da kiwei pat ki policy ban ai jingmyntoi ia ka jylla. Ka sorkar UPA ba ïalam ka Congress ka wanrah da ka Look East Policy bad ka Sorkar NDA ba la ïalam da ka BJP ka wanrah da ka Act East Policy bad kine ki policy kim ai jing myntoi shisha ia ka jylla ki long pynban tang shi bynta ki lynnong kot ba ki hap pule ha ki kot skul, ong u MP ka jylla.

“Mynnor shuwa ka jinglaitluid ka India, ka jaka kaba nga wan(Meghalaya kaba mynta) ka pahuh pahai na ka khaïi pateng bad ka ri Bangladesh lyngba ki iew khappud ne border haat bad ka la dei ka por ba ka sorkar India kan wanrah noh da kawei pat ka Look SOUTH policy kyrpang na bynta ka jylla jong ngi” ai jingmut shuh shuh u MP ka jylla.