Ther U Leslee ba khrong ki hospital ia ki kali buh nongpang

Shillong, 15 Lber: 
U MLA ka South Tura u John Leslee u la takrain tyngeh ia ka tnad ka koit ka khiah kaba khrong ia ki kali kiba wan buh nongpang ha ki hospital sorkar.
Kane ka jingleh jong ki bor hospital sorkar ban khrong bai pynieng ia ki kali ha phyllaw ka hospital ka dei ka kam tha mula bad ka bym lah ban pdiang namar ba kiwei ki hospital shimet ruh kim ju leh kumne, la ong u Leslee haba kren hapoh ka iing dorbar ha kane ka sngi Thohdieng.
“Nga pyrshah jur ia ka jingkhrong pisa ia ki kali ba wan buh ia ki nongpang khamtam kiba bun kiba wan ha hospital sorkar ki dei na nongkyndong kiba duk kiba raitoi”, la ong u Leslee.
‘Nga sngew lyngngoh ba ym don kawei ruh ka hospital shimet ha ka jylla kaba khrong ban wan buh nongpang ha phyllaw hospital”, la ong u Leslee.
Kane ka jingleh jong ka sorkar ka la long ban khnoit ban pynynjar shuh shuh ia ki nongkyndong kiba pang ba shitom nalor ka jingduk, kumba la jia ha Tura Civil Hospital kaba khrong haba wan buh nongpang ki kali, la ong u MLA ka South Tura.