Ther u lapbah ha jingiaseng Mawphlang

Shillong, 12 Iaiong:
Ka jingiaseng Assembly kaba hynniew jong ka balang Presbyterian kaba la long mynta ka sngi ha Mawphlang ka la thut noh, namar ka jing ther u lapbah ba jur, u lapbah u la sdang ban ther naduh ka jingiaseng ba-ar shuwa ba u pastor un ai jingkren. Ka la don ruh ka jinghap phria kaba la neh khyndiat por ha ka por ba hap slap, hynrei kham hadien u phria u la sangeh, hynrei ka jinghap slap ka dang bteng bad um shym sangeh wat hadien ba la wai jingiaseng ruh.
Ki paid riew ngeit kiba la wan sha katei ka jingiaseng, tang mar ia hap slap, ki la kynriah jaka shong, kiba bun na ki ki la mareh sharum shaneng bad kiba bun ki la leit ban shong hapoh ki kali ban sngap jingiaseng napoh kali, katba katto katne ngut na ki kiba la pynkhreh lypa la ki shatri ki la shong satar, haduh ba kut ka jingiaseng. Ki nongkren ha katei ka jingiaseng Assembly ki long ha ka jingiaseng ba nyngkong la ai jingkren da u pastor Rev. G.S Lytan bad ha ka jingiaseng ba-ar pat da u Rev. L.S Nongphlang.