Ther tyngeh u slap ha Sohra, hynnin ka sngi

Shillong: Ka Sohra, ka mad ia ka jinghap slap, kaba jur shi katdei hynnin ka sngi.

Na ka jingtip, ba la ai da ka tnat peit mariang ka sorkar India, la pyni ba ka jingkhein, kaba sdang naduh 8.30 hynnin mynstep, haduh ka por 8.30 hynnin ka miet, ka jinghap slap ka poi sha ka 356.4 mm ha Sohra, katba ha Shillong, ha katei kajuh ka por, ka long 0.6mm bad ha Umiam, ka long 0.8mm.

Mynta ka sngi, naduh ka por 8.30 mynstep, haduh 5.30 mynta ka janmiet, ka jinghap slap, ka long 49.8mm ha Sohra, katba ha Shillong, ka long 0.0mm bad ha Umiam, ka long 0.6mm.

Ka tnat peit mariang, ka maham ba lashai ka sngi ruh, kan don ka jinghap slap, kaba jur shi katdei, ha ki bynta jong ka Jylla.