Shillong, 13 Nailur:
U organizing secretary ka KSU Mawlai u samla Ferdinand Skhe miew u la shah kem hyn nin ka miet ha ki pulit halor ka jingkynnoh ba u la ther maw ia kali jong u majis tor bad ki pulit kiba dang iaid pahara ha ka thain Mawiongrim ha ka por 11:30 eiei mynmiet.
Kawei pat ka bike ka la shah thang ha ki runar ha Law-u-sib ha Rynjah bad ka kali jong u district housing officer ka Nong stoin u Bah Francis Khar shiing, kaba don ia ka number ML 01 4148, kaba set ha phyllaw ka iing ka Kong Belis M Nongrum ha Lawsohtum block 5, ka la shah thang malu mala namar ba la lap ba iohi ia ka. Kane ka la jia ha kynta pakhang surokmiet jong ki sengbhalang hynnin ka miet.
Ki runar ki la pyrshang ruh ban thang ia ka ophis Geological Survey of India (GSI) kaba don ha Nongrim Hills ha ka por 10:30 mynmiet.
U SP ka East Khasi hills u Bah Mariahom Kharkhrang u la iathuh ba na utei u dkhot ka KSU, ki pulit ki la lap ruh ia ka tyndong ba thylli ba suba ba thep petrol. Katkum ka jingong ki pulit, kiwei kiwei ki dkhot ka seng kiba don lang bad une uba shah kem, ki la lait phet krad noh.
La iathuh ba ka jingpyrshang ban thang ia ka ophis GSI ka la pulom noh, hadien ba u petrol bom ba ki runar ki kawang u la hap tang phyllaw khlem poi shaduh ka kamra.
Kawei pat ka khubor, ka iathuh ba la ioh kem ia kawei ka kali kit nongpang jong ka FKJGP Demseiniong, hynnin ka miet bad ynda haba la talasi, la lap ba ym don nongpang satia, hynrei, la lap ia uwei u shynrang ba shongkha para shynrang lem bad lai ngut ki kynthei, kiba dang ia leit thied kyiad.
Ha kawei pat ka jingjia, la iathuh ba U Dines Kumar Thakur, 23 snem, ula shah shoh mynta ka janmiet ha iew Happy Valley, Shillong, ha kaba ula mynsaw jur. Nangta ha ka 12tarik, sa U Bhaskar Raju, 29snem, ula shah shoh ha Red Cross, Laban, ha kaba la pynkit ia u sha Civil Hospital, ban ioh jingsumar.
Ha kawei pat ka khubor, Ka Khasi Students’ Union (KSU) Seng Kmie mynta ka miet, ka la pynmih ia ka kyrwoh jongka, ha kaba ka pynpaw ïa ka jingaikhublei kaba kyrpang eh ïa ki paidbah baroh kiba don ha kylleng ka bri u Hynñiewtrep Hynñiaw wasa na ka bynta ka jingkyrshan kaba pura kaba ki la ai ha ki prokram jingïakhih ba la khot pynlong da ka kynhun ki sengbhalang ban pynbor ïa ka Sorkar ba ka dei ban pyntrei kam noh mardor ïa ka Inner Line Permit (ILP) hapoh ka jylla hi baroh kawei. Ha katei ka kyrwoh na U bah Auguster Jyrwa, General Secretery ka seng, la pynkynmaw sha ki paidbah, ba kum ki sengbhalang kim shym la jied mon sngewbha ban khot pynlong ïa ki jingïakhih kiba jur, hynrei dei ka Sorkar kaba la pynbor ban ïakhih da kaba tyngeh ryngkat bad u paidbah, ong shuh ka khubor.
Phi don ban ong eiei?