Ther maw ia ka bank bym don pisa

Shillong, 14 Nohprah:
Ki paidbah ha ka shnong Kharkutta ha ri Lum Garo ki la ther maw ia kawei ka bank namarba kam shym la lah ban siew pisa ia u paidbah uba la ieng lain naduh dang step da kiba bun bun kynta.
Haba ia kren bad ki lad khubor uwei u nongshong shnong don kiba poi sha bank naduh ka por 7 baje ban pynthikna ba kin ioh pisa beit, hynrei hadien ba ki la ap bun kynta la iathuh ia ki ba ym don pisa shuh ha bank bad ym dap shuh ban siew sha ki paidbah, bun kiba la leit phai thylli na katei ka jaka. Katei ka pynbitar ia ki paidbah bad ha ka jingbitar ki la ther maw ia katei ka bank , haduh mynta ym pat ioh jingtip la katei ka bank ka la julor ne la don ne-em ki nongtrei kiba don hapoh kiba la mynsaw.
Ki nongtrei ka bank kim shym la ai pulit ia katei ka jingjia namarba ki shim ba ka jingmih katei ka huri hura ka dei namarba ka jingbym ia sngewthuh jingmut. U MLA ka Kharkutta u cherak W Momin u la ong ba ki bor District ki dei ban pynthikna ba kan ym don kano kano ka jingduna ha bank.