Shillong: U Subash Roy, Chairman Dharambasti, U Bikash Dutta, Secretary Dharambasti, U Naresh Chandra Singha, Secretary Bholaganj, U Phoni Dutta, Secretary Alubari, U Adhir Das, Chairman Chaklabosti, ki la phah jingthoh mynta ka miet, ha kaba ki iathuh ba ki la shah khot hajir ha U Syiem Sohra, ha ka 24tarik Risaw 2020 bad la iathuh ba ka jingialang, ka sdang naduh ka por 2 baje nohsngi bad ka kut haduh ka por 5 baje janmiet.
Ha katei ka jingialang, la iakren halor ka jingeh jong ki briew kiba don ha kitei ki shnong haneng bad ki kynnoh ba U Syiem Sohra, u kynnoh ba kitei ki don bynta ban ia kynduh bad ki briew kiba nabar bad ban pynbudnam ia ki trai shnong ha ka jylla bad ia ka jylla hi baroh kawei.
La ong ba U Syiem, ula buh ia ki jing kylli, kiba kren niewbein bad ba la pynbor ruh ba kin kren ia ki mat kiba long pyrshah ia ki bar Jylla. La iathuh ba U Syiem, ula khot hajir ia kitei ki bar jylla, ha ka jingdon ki 25 ngut ki briew ha katei ka sngi.
Kitei ki la kynnoh ruh ba la ring dur video, khlem da ioh ia ka jing mynjur jongki bad nangta ki don ki video kiba la shu shna bad kiba pyni beit ba kitei ki bar jylla, ki dei ki nongleh beain suda.
La iathuh ba la buh jingkylli ruh halor ka jingleit jong ki lai ngut ban ia kynduh ia u Lat ka Jylla. Kitei ki bar jylla, ki iathuh ba ki la pynsngew, halor ka jingshah khanglad jongki ban trei ban ktah, ban khaii pateng bad ba kim ioh ia ki laisen khaii, namar ba U Syiem Sohra, um shym la ai jing mynjur satia.
La kynnoh shuh shuh ba kitei ki bar jylla, ki la shah pyndik ha kiba bun bun rukom bad ki ong ruh ba ki la ngiah ia ki jingleh jong u Syiem Sohra, U President, Secretary jong ka New Majai Local Exporters Forum bad kumta ki iathuh ba ki la phah ma ki ia kitei ki 3ngut ban ia kynduh ia U Lat, ha kaba kiba soi kyrteng, ki don haduh 4 bad 5 hajar ngut bad iathuh shaphang ki jingeh ba ki ia kynduh.
Kitei ki bar jylla, ki pyrshah ia katei ka jingleh jong U Syiem bad ki shim, ba kitei ki video, ki dei kiba pyn jah burom ia ki bar jylla jong ka thain Bholaganj-Icchamati.
Naduh nyngkong ki sngi U syiem ka hima sohra, bad khamtam kl myntri kiba dei peit iaki bynta jong ka majai hi baroh kawei kila shu ialap miet ha kaban ialum pisa bad ai jaka puta ia ki khar poiei khlem bniah khlem tip khlem sngewthuh kat haduh bala mih kyrteng iaki shnong da ka kyrteng dkhar, mynta ki lah skhem nongrim da khot hajir tang ym shym iahap ki leit pynsngew haki bor bahalor bad kane kan iatyngkhuh bad ki bor u syiem bad kane ka long kaba ma Namar ioh hap dem baioh hap
nguh te sngewsynei tangba yn leh shuh kumno Namar ki sbai Rupa.