Ther jur u slap, hynnin ka sngi ha Sohra, lashai ruh yn iai bteng ka jingjur slap

Shillong: Hynnin ka sngi, ka don ka jinghap slap kaba jur shi katdei ha Sohra, ha kaba ka jinghap slap, ka la poi sha ka 354.0mm. Ha katei kajuh ka por, ka jinghap slap ha Shillong, ka long 25.4mm, katba ha Umiam, ka long 17.4mm.

Mynta ka sngi, ka jinghap slap ha Sohra, ka long 34.8mm, ha Shillong, ka long 5.6mm, katba ha Umiam, ka long 1.4mm.

Lashai ka sngi, kan don ka jingkhie eriong lem bad ka jingtied pyrthat bad mei leilieh bad nangta kan don ruh ka jinghap slap kaba jur bad kaba jur bha, ha ki bynta jong ka jylla.