Ther jur u slap ha Sohra, Shillong, Umiam; hynnin ka sngi

Shillong: Ka jinghap slap, ha ka nongbah Shillong, hynnin ka sngi, ka long 196.7mm, katba ha katei kajuh ka por, ka jinghap slap ha Sohra, ka long 223.2mm bad ha Umiam, ka long 178.2mm.

Katei ka jingkhein, ka dei naduh ka por 8.30 hynnin mynstep, kaba long haduh ka por 8.30 mynta ka step, ong ka kyrwoh jong ka tnat India Meteorological Department, Shillong.

Lashai ka sngi, kan don ka jinghap slap, kaba malu mala, tangba kam don shuh kano kano ka jingma, ong ka kyrwoh.